Cocorico!com

French Culture & Voyage en France


Ballade des menus propos, François Villon

Je congnois bien mouches en laict,
Je congnois à la robe l’homme,
Je congnois le beau temps du laid,
Je congnois au pommier la pomme,
Je congnois l’arbre à veoir la gomme,
Je congnois quand tout est de mesme,
Je congnois qui besongne ou chomme,
Je congnois tout, fors que moy-mesme.

Je congnois pourpoinct au collet,
Je congnois le moyne à la gonne,
Je congnois le maistre au valet,
Je congnois au voyle la nonne,
Je congnois quand piqueur jargonne,
Je congnois folz nourriz de cresme,
Je congnois le vin à la tonne,
Je congnois tout, fors que moy-mesme.

Je congnois cheval du mulet,
Je congnois leur charge et leur somme,
Je congnois Bietrix et Bellet,
Je congnois gect qui nombre et somme,
Je congnois vision en somme,
Je congnois la faulte des Boesmes,
Je congnois filz, varlet et homme :
Je congnois tout, fors que moy-mesme.

ENVOI

Prince, je congnois tout en somme,
Je congnois coulorez et blesmes,
Je congnois mort qui nout consomme,
Je congnois tout, fors que moy-mesme.


Un hôtel pas cher Paris ? hôtels recommandés, au meilleur prix garanti [1]

Abonnez-vous à Cocorico Culture [2] pour recevoir nos derniers articles directement dans votre fil d'actualité Facebook !

Article CoCorico !: http://cocorico.com

URL: http://cocorico.com/ballade-des-menus-propos-francois-villon/loisirs-vacances-culture-bien-etre/

Copyright © 1996-2013 Cocorico.com - Tous Droits Réservés Pour Tous Pays